Aleanca për Ardhmërinë e Kosovës, ka reaguar ndaj lajmit se kryesia e Degës së saj në Drenas ka kaluar në PDK.
“Koordinatori i AAK-së për Drenas, Zeqir Kiqina, është njëri ndër luftëtarët e orëve të para. Pjesëtar i një familjeje të nderuar dhe me traditë, njeri me një profil e personalitet të pakontestueshëm, prej sot është adresa e re e forcimit të Vizionit të AAK-së në Drenas. Angazhimi tij në AAK është një mundësi e mirë e Drenasit dhe e përkrahësve të AAK-së që rrugëtimi i ynë i përbashkët të jetë në drejtimin e duhur”, thuhet në reagimin e AAK-së, sipas së cilës Dega nuk është shuar, por disa nga udhëheqja, siç i quajnë ata kuislingë, ka kaluar në PDK.