Gjykata Themelore në Gjilan i ka caktuar masën e paraburgimit prej një muaji qytetarit serb, V.B, i cili dy ditë më parë tentoi ta rrëzonte minaren e xhamisë në Velekincë të Gjilanit.
Në njoftimin për media thuhet B. V. dyshohet se ka kryer veprën penale asgjësimi apo dëmtimi i pronës nga neni 333 paragrafi 3 dhe 4 lidhur me paragrafin 1 të Kodit Penal të Republikës së Kosovës (KPRK).
Për veprimin e këtij qytetari ka reaguar edhe Kisha Ortodokse serbe e Kosovës. Në një letër dërguar Bashkësisë Islame të Kosovës thuhej se i pandehuri ishte i varur nga droga dhe se ishin lënduar nga akti i pakuptimtë i tij.
- Advertisement -
