Një ngjarje e rëndë është shënuar në Greqi, ku një 26 vjeçar shqiptar ka vrarë babain e tij grek.
Lajmi bëhet i ditur nga mediat fqinje, që sipas tyre, ngjarja e rëndë është regjistruar të dielën në Zakynthos.
Sipas hetimeve të autoriteteve helene, i riu shqiptar ka qëlluar me armë zjarri shotgan për vdekje babain e tij grek.
Ky i fundit ishte martuar për të dytën herë, këtë radhë me një grua shqiptare.
Mësohet se shkak i ngjarjes së rëndë kanë qenë konfliktet e shpeshta mes të riut dhe babait të tij 70-vjeçar.
Sipas dëshmive të të afërmve dhe fqinjëve, dhuna dhe abuzimet e 70-vjeçarit kanë bërë që 26-vjeçari shqiptar të kryejë aktin e rëndë.
Ai është arrestuar nga policia, ndërsa paralelisht po punohet për të zbardhur të plotë ngjarjen.
