Komuna e Prishtinës ka njoftuar se transporti publik në kryeqytet do të jetë pa pagesë sot, me rastin e organizimit të marshit në mbështetje të Ushtrisë Çlirimtare të Kosovës.
Sipas njoftimit të komunës, qytetarët do të mund ta shfrytëzojnë transportin publik falas në intervalin kohor nga ora 14:00 deri në 20:00, raporton IndeksOnline.
Nga Komuna e Prishtinës kanë bërë të ditur se kjo masë është marrë me qëllim të lehtësimit të lëvizjes së qytetarëve dhe pjesëmarrjes së tyre në marsh.
