Pak ditë më parë, Greqia u trondit kur një i ri shqiptar vrau babain e tij me çifte.
Sot i riu ka dalë përpara gjykatës, ku në hyrje të saj është përballur me disa njerëz që e duartrokisnin, për veprimin që kishte bërë.
Sipas dëshmisë 26-vjeçarit shqiptar ai e vrau babanë e tij pasi abuzonte seksualisht me atë dhe motrat.
I riu shqiptar është gjendur i befasuar nga mbështetja dhe thjesht ka vështruar, ndërsa përreth tij lëshoheshin thirrjet: Të lumtë! Bravo! Ne jemi me ty! Ne jemi krah teje!
Qytetarët e mbledhur për ta përkrahur thanë para kamerave se 26-vjeçari ishte njeri shumë i mirë, kishte qenë fëmijë i qetë, me një karakter që nuk shqetësonte kurrë dhe as provokonte tensione në shoqëri, shkruan Panorama.
Mësohet se ai i kishte thënë Policisë greke se e vrau babanë pasi 70-vjeçari jo vetëm që kishte abuzuar seksualisht me të, por po abuzonte edhe me dy motrat dhe vëllezërit më të vegjël nga martesa e tretë, me një vajzë 10-vjeçare dhe një djalë 7-vjeçar.
