Gazeta Blic nga burime të saja ka marrë vesh se shkak i sulmit fizik ndaj Sllobodan Petroviq, kryetar i Partisë Liberale Serbe, është ndërprerja e fondeve nga Ministria e Bujqësisë, për njerëz të Listës Serbe.
Krejt kjo, pasi që këtë ministri tashmë e udhëheq, Dijana Živić zyrtarja nga partia e Sllobodan Petroviq, pas shkarkimit të Nenad Rikallos, javë më parë nga ana e kryeministrit të vendit, Ramush Haradinaj.
“Sllobodan Petroviq është sulmuar për faktin se ministrja e re e Bujqësisë, e cila është nga partia e tij. Sulmuesit janë larguar nga Ministria e Bujqësisë dhe ministrja e re, ua ka ndërprerë të gjitha fondet, për këta zyrtarë të Listës Serbe, të cilët në kohën e Nenad Rikallos, u shpërblyen me fonde të mëdha”, thotë ky burim i Gazeta Blic.
Sulmuesit e Petroviqit janë: janë Milan Kostiq dhe Nenad Miliceviq, që të dy zyrtarë të Listës Serbe. I pari, sipas këtij burimi është i lidhur ngushtë me zëvendësshefin e Listës Serbe, Milan Radojqiq.
Ndërkaq, pas këtij sulmi, Petroviq tha se ai rrezikon të vritet sikurse Oliver Ivanoviq.
“Në mëngjes isha i ftuar në RTK, në programin e mëngjesit, aty kam treguar disa të dhëna për ish-ministrin e Bujqësisë, Nenad Rikallo. Pas kësaj, kam dalë me disa miq në një restaurant në Prishtinë, dhe me ka sulmuar fizikisht Milan Kostiq, i cili ka qenë këshilltar i Rikallos. Ai edhe më parë ka bërë shpifje ndaj meje, dhe kjo nuk i ka mjaftuar më sulmuar fizikisht”, tha Petroviq, raporton Gazeta Blic.
Tutje, ai shprehu shqetësimin e tij për këtë rast, teksa shtoi se mund të përfundojë njëjtë sikur Oliver Ivanoviqi.
“Ata mund të më rrahin, dhe të më vrasin sikur Oliver Ivanoviqin, por unë nuk do të ndalna”, tha ai.
