Ish-kryetari i Lëvizjes Vetëvendosje, aktualisht drejtor ekzekutiv i Institutit për Politika Sociale “Musine Kokalari”, Visar Ymeri, ka folur rreth lëvizjes Vetëvendosjes dhe largimit të tij nga aty.
Që nga ndarja e VV’së Ymeri thotë të mos ketë komunikuar me tashmë kryetarin e qeverisë Albin Kurti.
“Ai s’komunikon me mu. Unë s’kam inat personal as me atë e as me askënd tjetër”, tha Ymeri i ftuar në emisionin ‘A Shoë” në televizionin 7.
Lidhur me këtë ai ka kritikuar të parin e VV’së dhe anëtarëve të tjerë të kësaj partie të cilët sipas tij kanë personalizuar politikën, duke mos komunikuar me kolegët e partive të tjera.
“Në VV për një kohë të gjatë e kemi personalizuar politikën’, tha Ymeri duke kritikuar edhe vetën e tij.
“Jemi sjellë me kolegët e partive tjera sikur të infektuar me koronavirus që s’guxon as t’i ofrohesh e le më t’i përshëndetësh”, theksoi ai.
Ymeri ka folur edhe rreth momentit kur ai mendoi se rruga e tij me VV’në ka marrë fund.
“Mospajtimet tona kanë marrë hov në atë se si do të duhej të vazhdojmë demokratizimin e VV’së në kushtet kur VV tashmë është bërë parti e madhe”, shpjegoi ai.
Ish-anëtari i VV’së ka treguar se është ofenduar gjatë nga ish-partiakët.
“Po shpesh më kanë quajtur edhe tradhtar”, tha Ymeri.
