Mbrojtësi i Kombëtares shqiptare, Kastrioti Dermaku, i cili aktivizohet me Cozencën, shënoi mbrëmjen e sotme golin e parë në Serie B, në ndeshjen në shtëpi ndaj Spezias.
Në pjesën e parë Cozenca kishte humbur një 11-metërsh, ndërsa për të siguruar fitoren, mendoi Dermaku.
27-vjeçari, i cili më parë është thirrur edhe nga Panucci te Shqipëria, në minutën e 55-të shtyu një top pranë portës së kundërshtarit, të mbetur pas një goditje këndi.
Ky ishte goli i vetëm i takimit, me shqiptarin që i jep fitoren Cozencës, e cila ka siguruar mbijetesën dhe tani mban gjallë shpresat për të kapur fazën e “Play-Off”-it.
- Advertisement -
