Pas përplasjes së ashpër ndërmjet presidentit Thaçi dhe kryeministrit Kurti, për kufizimin e lirisë së lëvizjes, ka ardhur reagimi i Surroit.
Ai ka shkruar se Qeveria e ka të drejtën e kufizimit të qarjullimit të njerëzve, raporton Gazeta Blic.
Njoftimi i plotë:
Me qetësi.
1. Qeveria ka të drejtë ta kufizojë qarkullimin e njerëzve dhe veturave
2. Presidenti i vendit ka të drejtë ta kontestojë këtë dhe çdo vendim tjetër të Qeverisë në Gjykatën kushtetuese
3. Ndërkohë që nuk ekziston ndonjë masë e përkohshme e Gjykatës kushtetuese, Presidenti i vendit nuk ka të drejtë të thërrasë pjesëtarët e forcave të rendit e të sigurisë që mos ta përfillin urdhërin e Qeverisë. Kjo është thirrje për insubordinim, shkelje e rëndë ligjore dhe kushtetuese.
4. Qytetarët duhet t’i nënshtrohen masave të Qeverisë duke lënë anash konfliktin politik. Thirrjet për protagonizëm politik nuk kanë vend , aq më pak në këtë luftë kundër pandemisë.
