Kryeparlamentari Kadri Veseli ka vizituar policët e plagosur në Mitrovicë.
Ai ka thënë se aksioni i sotëm është një mesazh që shteti i Kosovës do të jetë i pakompromis ndaj të gjithë atyre që janë të involvuar në krim dhe korrupsion.
“Sundimi i ligjit do të jetë në gjithë territorin e Kosovës, ky është edhe një mesazh se të gjithë ata që janë të involvuar në krim dhe korrupsion, shteti i Kosovës do të veprojë. Pavarësisht se e kanë një petk zyrtar dhe pa dallim etnie, sundimi i ligjit do të funksionojë. Policët i kemi në gjendje të mirë shëndetësore, vetëm njëri ka qenë pak më rëndë por tani është më mirë. Si bartës i institucioneve, i garantoj se do ta kenë përkrahjen tonë për sundimin e rendit dhe ligjit”, ka thënë Veseli.
