Ish-kryeministri i Shqipërisë, Fatos Nano, është varrosur sot në varrezat e Sharrës, në një ceremoni më private, përkundër homazheve që u bënë nga shumë miq të të ndjerit dhe fytyra të njohura shqiptare.
Sipas ABC News, në varrezat e Sharrës ishin familjarë dhe një grup i vogël të afërmish dhe miqsh.
Djali i tij, Sokol Nano, pati edhe një falënderim zemre për të gjithë pjesëmarrësit:
“Po përcjellim tim atë, të pazëvendësueshmin. Tani e tutje jeta s’do të jetë më e njëjtë pa ty. Në emër të të gjithë familjes ju falënderoj që na gjendeni pranë në këtë ditë të vështirë. Ua shpërblefshim në gëzime në familjet tuaja,” tha i biri, Sokol Nano.
Por edhe këtu nuk mungoi mirënjohja shtetërore. Trupa ushtarake e nderoi ish-kryeministrin Nano me të shtëna armësh.
Ish-kryeministri Nano do të prehet në një kënd të veçantë të varrezave të Sharrës.
- Advertisement -
