Një person është arrestuar në Podujevë, pasi dyshohet se ka kanosur babanë e një gruaje, ndaj së cilës kishte urdhër mbrojtës.
Sipas raportit 24-orësh të Policisë së Kosovës, rasti ka ndodhur më 8 gusht, rreth orës 18:38.
I dyshuari, shtetas shqiptar dhe banor i Maqedonisë së Veriut, dyshohet se kishte shkuar në shtëpinë e viktimës, ku kishte kanosur babanë e saj.
“I dyshuari mashkull shqiptar banor i Maqedonisë së Veriut për të cilin ka urdhër mbrojtës kishte shkuar te shtëpia e viktimës femër kosovare dhe e kishte kanosur babain e saj”, thuhet në raportin e Policisë.
I dyshuari është arrestuar dhe, pas intervistimit, me vendim të prokurorit është dërguar në mbajtje. /Lajmi.net/
