Presidenti i ri amerikan Donald Trump duket se nuk i ka përmirësuar raportet me televizionin CNN, pasi që në momentin që gazetari i këtij televizioni tentoi t’i bëjë pyetje, ai reagoi ashpër kundër tij.
Trump ka mbajtur sot konferencën e parë për media që kur është zgjedhur president i Shteteve të Bashkuara, dhe derisa shumë gazetar tentonin të merrnin fjalën për t’i shtruar pyetje njëjtë reagoi edhe gazetari i CNN-it, Jim Acosta, i cili u ofendua rëndë nga i pari i Shtëpisë së Bardhë, transmeton Telegrafi.
“Televizioni i juaj prodhon lajme të rreme. Jeni një organizatë e tmerrshme”, tha Trump para dhjetëra gazetarëve, duke i lënë shumë prej tyre të habitur me reagimin e tij.
Por i menjëhershëm ishte edhe reagimi i gazetarit Acosta, i cili iu kundërpërgjigj duke i thënë: “ju po na sulmoni, a mund të na përgjigjeni në pyetjet e bëra”.
Trump do të inaugurohet zyrtarisht president i SHBA-ve më 20 janar.
https://www.youtube.com/watch?v=gnsykhqWcWI
