Trajneri i njohur uellsian, John Benjamin Toshack, vuan nga një sëmundje e rrallë.
Djali i tij, Cameron Toshack, në një intervistë për ”Daily Mail”, zbuloi se babai i tij vuan nga demenca, një sëmundje që prek në mënyrë progresive kujtesën dhe aftësitë njohëse, shkruan IndeksOnline.
Megjithatë, ai tha se kjo ka të bëj me rënien e kujtesës afatshkurtër.
”Nëse flasim pasdite, ai mund të mos e mbajë mend që kemi folur edhe në mëngjes. Nëse e pyes për kohën e tij në Liverpool, San Sebastián ose Madrid, detajet janë të mahnitshme. Ditën tjetër më tregoi për një ndeshje të Real Madridit kundër Milanit të Sacchi-t dhe se si e ndryshoi mesfushën e tij për t’u përballur me Marco van Bastenin. Është sikur ndeshja të ketë qenë dje.
Është një sëmundje e tmerrshme. E shohim në kujtesën e tij afatshkurtër: Unë flas me të pothuajse çdo ditë dhe nëse flasim pasdite, ai mund të mos kujtojë se kemi folur edhe në mëngjes”, tha ndër të tjera Cameron./IndeksOnline/
