Kryetari i Prizrenit, Shaqir Totaj, vizitoi Klubin e Basketbollit “Bashkimi”, skuadrën kampione dhe krenarinë e qytetit. Gjatë takimit me lojtarët, stafin dhe drejtuesit e klubit, Kryetari Totaj shprehu mbështetjen e tij të parezervë për sukseset e radhës, me theks në përkushtimin institucional që titulli kampion të rikthehet sërish në Prizren.
Ai vuri në dukje investimet e realizuara, përfshirë renovimin e plotë të Qendrës Sportive “Sezai Surroi” si dhe projektin madhor për ndërtimin e sallës moderne sportive me tri fusha basketbolli, në bashkëpunim me Federatën e Basketbollit të Kosovës.
“Bashkimi është emër i madh, traditë dhe pasion i prizrenasve. Ne do të qëndrojmë gjithmonë pranë klubit tonë për të ndërtuar një të ardhme edhe më të ndritur” – u shpreh Kryetari Totaj.
Me këtë mbështetje, Prizreni synon të forcojë pozitën e tij si qendër e basketbollit kosovar dhe ta mbajë gjallë shpirtin sportiv në qytet.
