Presidenti i Kosovës, Hashim Thaçi, në diskutimin e organizuar nga Qendra për Kërkim dhe Politikë të Sigurisë, ka thënë se ai nuk është personi që do t’i prishë marrëdhëniet me ndërkombëtarët për krijimin e ushtrisë.
“E kam ruajtur bashkëpunimin me Bashkimin Evropian si sytë e ballit, dhe për këtë çështje fleni dathë”, ka thënë Thaçi.
Ai tha sot se transformimi i FSK-së nuk do të këtë implikim në mandatin e KFOR-it dhe NATO-s që buron nga Rezoluta 1244 dhe se as sot FSK-ja, asnjë veprim nuk e ndërmerr pa u konsultuar me KFOR-in.
Thaçi është i sigurt se 110 deputetë do të votojnë për krijimin e ushtrisë.
Ai ka thënë se për shpalljen e pavarësisë së Kosovës kanë votuar 109 deputetë, ndërsa ushtrinë do ta votojnë 110 deputetë. Thaçi u shpreh se asnjëri nga ta deri më tani s’e ka kundërshtuar krijimin e ushtrisë.
