Shefi i Grupit Parlamentar të PDK-së, Arian Tahiri, ka kërkuar dorëheqjen e ministres së Drejtësisë, Donika Gërvalla, gjatë seancës së sotme të Kuvendit, ku u diskutua për vrasjen e Arlinda Zekajt.
Tahiri ka thënë se Gërvalla duhet të marrë përgjegjësi morale për rastin, duke kërkuar që Qeveria të reflektojë dhe të ndërmarrë veprime konkrete.
“Znj. Gërvalla, sot minimumi i minimumit do të duhej që të mbajë përgjegjësi morale, si reflektim i përgjegjësisë, i ndjeshmërisë së kësaj Qeverie. Znj. Gërvalla, sot do të duhej të jepte dorëheqje”, ka deklaruar Tahiri.
Ai ka theksuar se në këtë situatë nuk mjaftojnë diskutimet, por kërkohet përgjegjësi dhe veprim.
“Nuk është seminar, nuk është diskutimi me moralizu për rolin e gruas në shoqëri sot, sot duhet me dhënë përgjegjësi, sot duhet me vepru”, u shpreh Tahiri. /Lajmi.net/
