Tahiri: Ende nuk kemi vendosur nëse PDK-ja do të marrë pjesë në seancën e sotme të Kuvendit

Deputeti i Partisë Demokratike të Kosovës, Arian Tahiri, nuk ka treguar nëse PDK-ja do të marrë pjesë në seancën e sotme të Kuvendit të Kosovës.

Kjo vjen pasi Lëvizja Vetëvendosje ka bërë të ditur se në seancën e sotme do t’i votojë nënkryetarët e PDK-së dhe LDK-së.

I pyetur nëse deputetët e PDK-së do të jenë pjesë e seancës, Tahiri tha se grupi parlamentar është duke zhvilluar takim dhe se vendimi do të bëhet i ditur së shpejti.