Profesor Sylë Tahirsylaj ka treguar se deri kur do të ketë temperatura të ulëta në Kosovë, raporton Gazeta Express.
Gazetarja Aurora Amërllahu e ka intervistuar Tahirsylajn që ka thënë se temperaturat janë luhatur nga minus 10 gradë.
“Temperaturat e ulëta kanë arritë në vendin tonë. Kemi të bëjmë me temperatura të ulëta dhe reshje të dobëta të borës, sonte është luhatë nga minus 10 deri në minus 8 gradë.
Momentalisht kur ne po bisedojmë është minus 7.8 gradë, është temperaturë e ulët dhe ka probleme në komunikacion”, ka thënë ai, derisa ka treguar se deri kur do të ketë temperatura të njejta.
“Kripa që hidhet për të shkrirë akullin shkon deri në minus 12, mbi të nuk ka kurrfarë efekti, duhet të përdoren masat të tjera.
Do të ndërpriten sot reshjet sporadike, nga e mërkura do të ngritën temperaturat”, ka thënë ai.
