Komiteti për Politikë dhe Financa i udhëhequr nga Kryesuesei i Kuvendit Ismet Salihu, në mbledhjen e radhës të mbajtur sot, ka diskuatuar dhe i ka rekomanduar Kuvendit Raportin financiar të realizimit të buxhetit komunal janar-dhjetor 2016.
Anëtarët e KPF-së kanë lavdëruar punën e ekzekutivit të Komunës së Skenderajt për shpenzimin e buxhetit të vitit 2016 si dhe kanë kërkuar sqarime në lidhje me disa kategori të shpenzimeve dhe të hyrave.
Në bazë të Raportit të realizimit të buxhetit për vitin 2016 të prezentuar sot, Komuna e Skenderajt gjatë vitit 2016 ka rritur nivelin e të hyrave krahasuar më vitin 2015 për 42.07 %, në të gjitha kategoritë e të hyrave komunale.
Ndërkohë Komuna e Skenderajt gjatë vitit 2016 ka reduaktuar shpenzimet në disa kategori, në veçanti në atë të derivateve për automjete, ku ka pasur ulje të shpezimeve për 18.66 %, krahasuar me vitin 2015.
KPF ka diskutaur dhe i ka rekomanduar Kuvendit edhe: Informatën periodike nga Zyra e informimit, Informatën e Drejtorisë së Urbanizmit dhe Propozim-Vendimin për miratimin e Planit Zhvillimor Komunal 2017-2025.
Për të gjitha çështjet e diskuatuara sot në mbledhjen e KPF-së, Kuvendi komunal i Skenderajt do të diskutoj dhe do të vendosë në fund të muajit mars kur planifikohet të mbahet mbledhja e rregullt e Kuvendit.
