Shoqata e Industrisë së Qumështit ka publikuar një udhëzim për supermarketet lidhur me procedurat dhe hapat që duhet të ndjekin në rast se përballen me një inspektim.
Sipas kësaj shoqate, udhëzimi synon t’i informojë dhe t’i ndihmojë operatorët ekonomikë që të jenë të përgatitur gjatë procesit të inspektimit, duke u siguruar që procedurat të zhvillohen në mënyrë të rregullt dhe transparente.
Shoqata ka sqaruar se udhëzimi nuk ka për qëllim pengimin apo vështirësimin e punës së inspektorëve dhe se supermarketet duhet të bashkëpunojnë me organet kompetente gjatë kontrolleve.
Në udhëzim janë përfshirë hapa që bizneset duhet t’i ndjekin gjatë një inspektimi, me qëllim që të kenë të qartë të drejtat dhe përgjegjësitë e tyre gjatë këtij procesi.
