Shkolla fillore ‘’Naim Frashëri’’ e fshatit Zaskok të Ferizajit është në gjendje të mjerueshme.
Kjo shkollë ka tashmë 70 vjet që është ndërtuar, dhe rreziku lidhet pikërisht me moshën e saj, shkruan gazetametro.net
Për shkak të vjetërsisë së objektit, muret e shkollës janë shumë të brishta, aq sa edhe një tërmet i vogël mund të bëjë që shkolla të rrëzohet.
Kjo do të thotë që fëmijët brenda kësaj shkolle janë të rrezikuar.
Drejtori i shkollës, Ismet Qerkini, ka thënë se është shumë rrezik dhe sipas sizmologëve.
“Është shumë e rrezikshme sipas sizmologëve. Mos e sjelltë Zoti një tërmet sado i vogël qoftë, do të ishte fatal për nxënësit dhe punëtorët e kësaj shkolle”, tha drejtori i shkollës, Ismet Qerkini.
Ndërsa, drejtori i Drejtorisë së Arsimit në Ferizaj, Afrim Llabjani tha se MASHT ka dhënë premtim se në pranverë do të ndërtohet një objekt i ri.
“Në vitin e kaluar e kemi marrë sinjalin, se Ministria e Arsimit e Republikës së Kosovës do të investojë dhe do të ndërtojë një objekt të ri shkollor. Të gjitha kërkesat nga Drejtoria e Arsimit në Ferizaj i kemi përcjellë në MASHT”, thotë Afrim Llabjani. /gazetametro.net
