Shkëndija ka arritur ta eliminojë Sheriff Tiraspolin pas dy ndeshjeve me rezultat të përgjithshëm 1-0.
Ndeshjen e parë tetovarët të zhvilluar në Shkup e kishin fituar me rezultat 1-0 me golin e shënuar nga Besart Ibrahimi.
Në ndeshjen e dytë të zhvilluar në Moldavi, skuadra shqiptare ishte shumë e kujdesshme dhe e vetëdijshme se për çfarë qëllimi ka ardhur.
Edhe përkundër dëshirës së madhe të vendasve për të shënuar sa me herët në rrjetën e Konstantin Zahov, një gjë të tillë nuk arritën.
Rastin më të mirë e kishte Rifet Kapic që goditi vetëm shtyllën.
Në anën tjetër Shkëndija në pjesën e parë u mbrojt mirë dhe me anë të kundërsulmeve, kërkonte të shënonte në portën e Sheriffit.
Në pjesën e dytë skuadra vendas sulmoi shumë dhe e kërkoi golin në disa raste.
Pamje nga ndeshja e sotme (Foto: Shkëndija)
Shkëndija arriti të qëndrojë mjaftë mirë dhe kishte rast të shënojë me Izair Eminin, por që nuk arriti ta bëjë.
Në fund ndeshja u mbyll pa gola dhe e dërgoi Shkëndijën në raundin e tretë.
Në këtë raund Shkëndija do të takohet me kampionët e Austrisë, RB Salzburgun. /Telegrafi/
