Presidenti Hashim Thaçi dhe lideri i Vetëvendosjes Albin Kurti ka vite që kanë raporte të acaruara në mes veti. Ata shumë herë e akuzuan njëri-tjetrin për tradhti dhe patriotizëm të rrejshëm.
Ndër vite, presidenti aktual e dy herë kryeministri është akuzuar fort nga lideri opozitar dhe tash synues i postit të shefit të Qeverisë për krejt cka ka bërë në skenën politike.
Dialogimi me Serbinë me të cilën Thaçi pati nënshkruar marrëveshjen e parë të parimeve në prill të 2013 ishte arena e ndeshjes.
Përdorimi i simboleve të Shqipërisë nga Vetëvendosja, duke përbuzur shpesh ato të shtetit të Kosovës, ishte material i bollshëm për replika që mbahen mend.
