Asamblisti i Vetëvendosjes, Eman Rrahmani, reagon ndaj mënyrës së planifikimit dhe menaxhimit të parasë publike nga udhëheqja e Komunës së Prishtinës, dhe ky reagim vjen pas vendimit të komunës për huazimin e dy autoambulancave për nevojat e qyteteve të tjera, kurse shërbimet shëndetësore në Prishtinë kanë mungesë të tyre, shkruan Kosova Post.
Rrahmani, përmes një postimi në Facebook, ka bërë të ditur se sot Nënkryetari i Prishtinës, Muhedin Nushi dhe ai i Kamenicës, Faton Jakupi, kanë nënshkruar kontratën për huazimin e dy autoambulancave për komunën e Kamenicës.
Postimi i plotë i Eman Rrahmanit:
Paratë e qytetarëve të Prishtinës dërgohen në qytetet tjera!
Sot Komuna e Prishtinës paska huazuar dy autoambulanca, kjo do të ishte në rregull sikur të kishim mjaftueshëm për Prishtinën.
Bashkangjitur keni edhe planifikimin që ka bërë Komuna për këtë vit të blej dy autoambulanca në vlerë prej 57,800.00 euro.
Kjo që po ndodh me këtë qeverisje të Prishtinës nuk ka as kuptim e as shpjegim!
Kryetari mandat vjedhur që po na TURPËRON e Prishtinën çdo ditë po shkatërron.
- Advertisement -
