Aksidenti në Volljakë të Klinës, katër persona dërgohen për trajtim mjekësor

Një aksident trafiku ka ndodhur sot rreth orës 13:45 në rrugën Klinë-Gjakovë, përkatësisht në fshatin Volljak të Klinës.

Rasti është konfirmuar për lajmi.net nga zëdhënësi i Policisë së Kosovës, Sheremet Elezaj.

Elezaj ka bërë të ditur se në aksident janë përfshirë dy automjete.

Si pasojë e aksidentit, përveç dëmeve materiale, katër persona janë dërguar për trajtim mjekësor.