Ronaldo vazhdon ta shtrijë ndikimin e tij të madh tek drejtuesit e klubit torinez.
Portugezi nuk arriti që në edicionin e parë ta ndihmojë klubin nga qyteti industrial italian ta fitojë Ligën e Kampionëve, trofe që i mungon tash e një kohë të gjatë “Zonjës së Vjetër”, shkruan GazetaBlic.
Mirëpo si duket fituesi i pesëfishtë i “Topit të Artë” po kërkon me çdo kusht përforcime të reja, në mënyrë që të jenë kandidatë potencial në të gjitha frontet.
Kështu, Ronaldo i’a ka bërë të ditur drejtuesve emrat e futbollistëve që i dëshiron në “Allianz Stadium”. Më poshtë janë emrat e lojtarëve që ish-anëtari i Real Madridit i ka kërkuar, derisa dy prej tyre janë nga skuadra ku kaloi plotë nëntë vite.
Raphael Varane, Tanguy Ndombélé, Joao Felix, Isco Alarcon, Federico Chiesa dhe Kostas Manolas.
Gjithsesi, mbetet të shihet nëse ndonjëri prej tyre do të kalojë në radhët e “bardhë e zinjëve”.
