Emocionet janë ende të freskëta nga koncerti madhështor që mbushi Prishtinën me muzikë dhe nostalgji, por Armend Rexhepagiqi nuk ka ndërmend të ndalet. Sonte, më 22 korrik, ai vjen live në skenën e Zone Club, për një natë që premton të jetë kulmi i kësaj fundjave muzikore.
Në një ambient ikonik siç është Zone Club, një performancë e Rexhepagiqit është më shumë se
një koncert – është një përvojë ndjesore, e ngrohtë dhe elektrizuese, ku çdo këngë përjetohet në thellësi.
Nga baladat që na kanë shoqëruar ndër vite, tek këngët që ende jetojnë në kujtesën kolektive – gjithçka do të ndodhë LIVE, me afërsinë që vetëm një klub nate mund ta ofrojë.
Me një karrierë që ka lënë gjurmë dhe një zë që mbetet i paimitueshëm, Armend Rexhepagiqi këtë të hënë do të jetë më afër publikut se kurrë më parë.
Hyrja nga ora 23:00 Zone Club – Prishtinë Rezervimet janë të hapura – mos e humb vendin tënd në një natë që do të përflitet gjatë.
Prishtina nuk mjaftohet me një natë të madhe – kur në skenë është një emër si Armend Rexhepagiqi, festa vazhdon.
