Kryeministri i Republikës së Kosovës, Ramush Haradinaj, është pritur në shtëpinë e Kryeministrin e Maqedonisë Veriore, Zoran Zaev.
Të dy kryeministrat, u shoqëruan nga bashkëshortet e tyre, Anita Haradinaj dhe Zorica Zaev.
Haradinaj tha se të dyja vendet kanë një fqinjësi të mirë dhe bashkëpunim korrekt, duke mos e lënë pa e përmendur edhe të ardhmen euro-atlantike.
“Bashkë me Anitën, të pritur në shtëpinë e Kryeministrit të Maqedonisë Veriore, Zoran Zaev dhe zonjës Zorica. Bashkëbisedim miqësor, për fqinjësi të mirë, bashkëpunim korrekt dhe të ardhmen e përbashkët euro-atlantike të të dyja vendeve!”
Kujtojmë se më parë Zoran Zaev kishte vizituar Kosovën, ndërsa kjo është vizita e parë e Haradinajt në Maqedoninë Veriore, në cilësinë e kryeministrit.
