Kryeministri Edi Rama ka shpërndarë një video nga plazhi i Durrësit, i mbushur me pushues. Ai ka falenderuar personin që ia ka dërguar videon, duke i kthyer një përgjigje ironike kundër kritikave të opozitës. “Faleminderit për këtë video kujt ma dërgoi. Nga plazhet e Durrësit siç nuk ua tregojnë ata që duan t’ju thonë se turizmi ka ngecur”, shkruan Rama.
Pikërisht disa ditë më parë, kreu i PD, Sali Berisha, publikoi një foto nga Durrësi, ku pretendoi se plazhi ishte bosh dhe se turizmi po shkatërrohej nga qeveria.
