Njësitet policore të stacionit Jugu të Prishtinës, sot rreth orës 10:00, kanë ndërmarrë një aksion i cili është realizuar në lagjen Emshir, saktësisht në afërsi të shkollës Ekonomike, ku nga policia janë arrestuar tre persona të dyshuar.
Bëhet fjalë për:
V.B, femër , 18 vjeç, shtetase e Republikës së Kosovës
V. D, femër, 17 vjeç, shtetase e Republikës së Kosovës dhe
F. Xh, mashkull , 17 vjeç, shtetas i Republikës së Kosovës.
“Të njëjtit pas përfundimit të procedurave të nevojshme policore, me urdhër të prokurorit të shtetit janë liruar në procedurë të rregullt.
Vetëm në dy muajt e parë të këtij viti (2018), në Drejtorinë Rajonale të Policisë në Prishtinë, janë iniciuar 10 raste Blerje, posedim ,shpërndarje dhe shitje e paautorizuar e narkotikëve, substancave psikotrope dhe analoge, si dhe 72 raste posedimi i paautorizuar i narkotikëve, substancave psikotrope ose analoge”, thuhet në njoftimin e policisë, transmeton Gazeta Express.
