Prindërit nuk e dinë për zhdukjen e Armend Trenës në Lepenc

Ata, të shtyrë në moshë, jetojnë një fshat të thellë të Kaçanikut, larg informacioneve që flasin për zhdukjen dhe kërkimin e dy policëve.

Pjesa e familjes Trena që e dinë se çka ka ndodhë me djalin e tyre, kanë pritur njerëz.

Mes shumë qytetarëve, për një kohë në dy familjet e policëve të zhdukur ka qëndruar zv.kryeminstri i Kosovës, Behxhet Pacolli dhe ministri i Brendshëm, Bejtush Gashi.

Ndërkohë kërkimet në ditën e tretë kanë vazhduar.

Numri i vullnetarëve është i madh.

Vendi ku janë aksidentuar Malsor Dashi e Armend Trena po kontrollohet për herë të dytë, por asnjë gjurmë nuk është gjetur.

Për të ndihmuar rreth operacioni kanë ardhur ekipe edhe nga Prishtina.