Tre persona ende të panjohur për Policinë e Kosovës kanë qenë pjesëmarrës në grabitjen e filialit të bankës “Wester Union”, në Prishtinë.
Zyrtarë nga Policia rajonale në Prishtinë, kanë konfirmuar për Express se në orën 9:30 të mëngjesit të sotëm, është grabitur banka “Wester Union”.
Të dyshuarit kanë arritur që të ikin nga vendi i ngjarjes, ndërkaq Policia njofton se është në kërkim të tyre.
“Rreth orës 09:30 është pranuar informata për një grabitje në rrugën Gazmend Zajmi, respektivisht në një nga filialet “Wester Union”. Sipas informacioneve të para dyshohet që 3 persona të kenë qenë pjesëmarrës të cilët më pas kanë ikur në drejtim të panjohur. Policia menjëherë ka dalë vendin e ngjarjes dhe ka filluar ndërmarrjen e të gjitha veprimeve te nevojshme si dhe ka filluar hetimet lidhur me rastin”, kanë bërë të ditur nga Policia e Kosovës.
- Advertisement -
