Zëdhënësi i Prokurorisë Themelore në Pejë, Shkodran Nikçi, ka dhënë detaje lidhur me rastin e ndalimit të një personi nën dyshimin për veprën penale dhunimi.
Në prononcimin e tij për lajmi.net, Nikçi tha se i dyshuari është ndaluar dhe se brenda afatit ligjor do të parashtrohet kërkesa për paraburgim.
“Është ndaluar një person me urdhër të Prokurorit të Shtetit, nën dyshimin se ka kryer veprën penale dhunimi. Prokurori i shtetit, brenda afatit ligjor, do të parashtrojë kërkesë për caktimin e masës së paraburgimit. Policia e Kosovës e ka kapur në flagrancë. Po ashtu, në vendin e ngjarjes kanë dalë edhe Prokurorja e Shtetit, mbrojtësi i viktimave dhe institucionet tjera relevante.”, tha ai.
Ky prononcim vjen pas arrestimit të 54-vjeçarit, i cili dyshohet se është kapur në flagrancë me një vajzë të mitur, raportohet 12-vjeçare, në një motel në Istog. Prokuroria dhe policia po vazhdojnë hetimet, ndërsa kërkesa për paraburgim do të paraqitet brenda afatit ligjor./lajmi.net/
