Publicisti Shkëlzen Maliqi ka thënë se po të mos ndahej Lëvizja Vetëvendosje, në zgjedhjet e 6 tetorit kjo parti do të shënonte fitore dërrmuese edhe duke garuar si subjekt i vetëm.
Përmes një postimi në llogarinë e tij në Facebook, Maliqi i ka kujtuar ngjarjet e janarit të vitit të kaluar, kur Glauk Konjuca bashkë me Shpend Ahmetit mundoheshin për gjetjen e një kompromisi që VV’ja të mos përçahej.
Sipas Maliqit, nëse në VV do të ishin ende Shpend Ahmeti dhe grupi tjetër që u nda, Vetëvendosja do të shënonte fitore dërrmuese edhe duke garuar si subjekt i vetëm, pa LDK’në.
“Çështja është se me Shpend Ahmetin dhe grupin që u nda, ose më saktë , u përjashtua, LVV do ta kishte sot pothuajse të parashkruar “fitoren dërrmuese” me 6 tetor, dhe këtë duke garuar si subjekt i vetëm, pa LDK-në”, ka shkruar Maliqi.
