Përmbyset autobusi, 28 të vdekur

Një autobus turistik është përmbysur në ishullin portugez të Madeira duke lënë 28 vetë të vdekur dhe shumë të tjerë të plagosur.

Vdekjet u konfirmuan nga “Lusa”, agjencia kombëtare e lajmeve. Gazeta gjermane Bild tha se nëntë turistë gjermanë ishin ndër ata që vdiqën në aksidentin pranë Caniço. Autobusi thuhet se ka 50 pasagjerë.

Shoferi i autobusit ka humbur kontrollin e mjetit që ka rënë mbi një shtëpi, në një skarpat në zonën e Canico, në Santa Cruz.

Ekziston frika se bilanci mund të përkeqësohet, sepse ka shumë të plagosur në gjendje të rëndë. /Tch