Autopsia e trupit të Fadil Vokrrit ka përfunduar para pak çastesh.
Kjo është konfirmuar për lajmi.net nga Arsim Gërxhaliu, Drejtor i Institutit të Mjekësisë Ligjore.
Gërxhaliu ka thënë se trupi është marrë nga familjarët.
“Po autopsia ka përfunduar para gjysmë ore. Trupin e kanë marrë familja, dhe pastaj do të vazhdojë me ceremenoninë e homazheve dhe të varrimit sipas protokollit shtetëror”, ka thënë Gërxhaliu.
Legjenda e futbollit kosovar dhe kryetari i FFK-së, Fadil Vokrri ka ndërruar jetë dje në mëngjes pas një sulmi në zemër.
Ai nuk arriti të mbijetoi pas sulmit, dhe në QKUK arriti pa shenja jete.
Nga ora 12:00 në Kuvendin e Kosovës do të ketë homazhe, kurse prej orës 14:00 një mbledhje komemorative.
Varrimi i legjendës Fadil Vokrri do të bëhet nga ora 17:00 në Prishtinë.
