Përditësimi i fundit: Pritje deri në 60 minuta në disa pika kufitaret

Qendra Kombëtare për Menaxhim Kufitar ka publikuar të dhënat e fundit për fluksin në pikat e kalimit kufitar të Kosovës. Sipas përditësimit të bërë më 10 gusht 2026, në orën 19:11, në disa pika janë regjistruar pritje më të gjata për automjetet.

Pritjet më të gjata janë në Dheun e Bardhë dhe Muçibabë, ku qytetarët që dalin nga Kosova presin deri në 60 minuta, raporton IndeksOnline.

Në Dheun e Bardhë, kolona në dalje arrin deri në 150 metra, ndërsa në Muçibabë kolona shkon deri në 500 metra.