Ka përfunduar edhe zyrtarisht sezoni 2019/20 në Superligën e Kosovës në futboll.
FC Drita është shpallur kampione dhe ka siguruar fazën parakualifikuese të Ligës së Kampionëve, SC Gjilani është nënkampion dhe ka siguruar parakualifikimet e Europa Leagues, FC Ballkani u pozicionua në vendin e tretë – e FC Prishtina në të katërtin, raporton GazetaBlic Sport.
Flamurtari, Vushtrria, Ferizaji e Dukagjini u përshëndeten me Superligë – ndërsa Besa e Arbëria siguruar promovimin në ligën më të mirë të futbollit kosovar.
Federata e Futbollit të Kosovës do t’i shpërblejë klubet kosovare në lidhje me sukseset e tyre në këtë stinor.
Klubi që do të fitojë më së shumti të holla financiare është natyrisht FC Drita.
“Vendi i parë merr 30 mijë euro, vendi i dytë 20 mijë euro, vendi i tretë 15 mijë euro, vendi i katërt 10 mijë euro, ndërsa vendi i pestë 5 mijë euro”, tha Eroll Salihu, sekretari i FFK’së për ‘GazetaBlic Sport’.
Më poshtë ju sjellim shumën financiare që do të fitojnë klubet nga FFK’ja:
- FC Drita – 30 mijë euro,
- SC Gjilani – 20 mijë euro
- FC Ballkani – 15 mijë euro
- FC Prishtina – 10 mijë euro
- KF Feronikeli – 5 mijë euro.
Vlen të potencohet se FC Drita e SC Gjilani kanë të sigurta mbi 200 mijë euro nga UEFA për pjesëmarrje në Europa League, ndërsa një shumë të tillë do të mund të arkëtojë edhe fituesi i finales së DigitAlb Kupës së Kosovës, FC Prishtina – FC Ballkani.
Finalja e Kupës së Kosovës do të luhet të mërkurën në stadiumin “Fadil Vokrri” në Prishtinë.
