Pas deklaratës për “martesën me gruan e dytë”, Shefqet Krasniqi tubon deputetë, promovon libra

Në një iftar, hoxha Shefqet Krasniqi ka mbledhur deputetë, aktorë e këngëtarë dhe ka promovuar libra.

Ndonëse u kritikua shumë për deklaratën e fundit se ‘burri nuk e ka borxh me e pyet gruan e parë për me e marrë gruan e dytë”, Krasniqi shihet me admirim nga disa figura publike, përfshirë ligjvënësit në Kuvendin e Kosovës.

Deputetët e LVV-së, Eman Rrahmani, Gramos Agusholli e Visar Korenica, deputeti i PDK-së Mërgim Lushtaku, si dhe deputeti i AAK-së, Bekë Berisha ishin të pranishëm në këtë organizatë. Ky i fundit mbajti edhe një fjalim para të pranishmëve.