Policia dhe zjarrëfikësit kanë prerë veturat për t’i nxjerrë personat e lënduarit në aksidentin tragjik në Gjilan.
Qyteti i Gjilanit është tronditur i tëri nga aksidenti tragjik ku vdiq një person dhe u lënduar rreth 20 të tjerë.
Në qendrën e qytetit Policia e Kosovës në këto qaste po vazhdon të qëndrojë në vendin e ngjarjes, ndërsa në videon e mëposhtme shihet se janë prerë veturat, në mënyrë që të nxirren të lënduarit nga aty.
Kjo zonë e qytetit po vrojtohet nga qytetarë të shumtë, të tronditur nga aksidenti i shkaktuar nga një kamion që bartte ujë.
Gazeta Express raportoi se personi që vdiq nga aksidenti është Qerim Çoçaj, pronar i një furre në Gjilan.
Prokuroria Themelore e Gjilanit ka njoftuar se është ndaluar vozitësi i kamionit, që dyshohet se shkaktoi aksidentin.
Të lënduarit po trajtohen në spitalin e Gjilanit, ndërsa tre persona janë sjellë në QKUK në Prishtinë./GE/
