Nën Patronatin e Kryetarit të Komunës së Drenasit, Ramiz Lladrovci, filloi eventi Muaji i Mërgatës, i cili do të përfshinë 28 ditë aktivitete të ndryshme në Sheshin “Fehmi dhe Xhevë Lladrovci” për bashkëatdhetarët tanë që do të vijnë gjatë muajve të verës në vendlindjen e tyre.
Hapja e eventit Muaji i Mërgatës u bë sot duke filluar nga ora 18:00, me muzikë Live Qytetare nga Hajzer Gjoshi, Kosovare Hasi dhe Valëza Zogaj. Dhe do të vazhdojë me mbrëmje muzikore cdo të dytën mbrëmje në sheshin “Fehmi dhe Xhevë Lladrovci”.
Aktivitetet përfshijnë vendosjen e shtëpizave të Drurit në Shesh me pije freskuese gjatë tërë muajit, aktivitete artistike, si: muzikë live, DJ, ekspozita e pikturës dhe fotografisë nga artistë vendor, të diasporës dhe vendeve të ndryshme si Shqipëria, Maqedonia etj.
Eventi Muaji i Mërgatës organizohet nga Komuna e Drenasit në bashkëpunim me OJQ “Panajot Kanaçi”.
