Lladrovci vlerëson diasporën – uron Donjet Bislimin, por edhe flet për Rilindin, birin e tij
Kryetari i Komunës së Drenasit, Ramiz Lladrovci, mori pjesë në një mbrëmje kushtuar diasporës, në sheshin “Fehmi Lladrovci”, ku, nëpërmjet një postimi në Facebook, ka thënë se “evokuam ditët e kaluara në mërgim, si dhe të dashurit tanë që fizikisht nuk janë me neve”.
Por, ai ka uruar edhe kretarin e ri të Rinisë Demokratike, duke inkurajuar birin e tij, Rilindin se “nuk ishte humbës”.
Postimi i Lladrovcit:
Sot, në mbrëmjen e fillimit të nderimit të diasporës në komunën e Drenasit, evokuam ditët e kaluara në mërgim, si dhe të dashurit tanë që fizikisht nuk janë me neve.
Uroj që pjesëtarët e diasporës tonë, të vijnë dhe të kthehen shëndosh e mirë, familjeve të veta, vendit të punës dhe përparimit kudo që janë. Diaspora e ka rikonfirmuar njëmijë herë dashurinë për atdheun. Çështja është se çka bëjmë ne për diasporën?
Pasi diskutuam së bashku, i thamë Rilindit: Nuk ishe kandidat andaj nuk je as humbës. Rilindi, tentoi të kandidonte dhe u bë gabimisht pjesë e titujve të mediave. Rilindi, fare as nuk u bë kundër kandidat në garë që të shpallej humbës, megjithëse mblodhi nënshkrimet.
Rilindit i duhej edhe miratimi i 2 të 3-tave të delegatëve. Kështu e thanë unifikuesit e rinisë dhe ekspertët e ligjshmërisë statutare. Me kaq mbaroi ky episod. Ne e dimë se Rilindi ka dijen, guximin dhe energjinë t’i thotë gjërat si i mendon dhe ka qëndrim.
Lexo edheArrestohet në Drenas, përfundon në Dubravë
