Organizata e Veteranëve të Luftës së UÇK-së ka reaguar pas protestës së mbajtur sot në sheshin “Skënderbeu” në Prishtinë, ku mijëra qytetarë shprehën pakënaqësinë e tyre ndaj vendimit të Gjykatës Speciale në Hagë.
OVL-UÇK ka falënderuar qytetarët për pjesëmarrjen dhe mbështetjen, duke theksuar se kërkesa për drejtësi do të vazhdojë.
“Faleminderit, shqiptarë! Ky popull nuk do të ndalet së kërkuari drejtësi për UÇK-në, deri në vendosjen e drejtësisë dhe të së vërtetës”, thuhet në reagimin e OVL-UÇK-së.
