Organizimi i zgjedhjeve serbe në Kosovë, i pakuptimtë
Mbajtja e zgjedhjeve serbe në Kosovë nuk ka kaluar pa u komentuar nga përfaqësues të ndryshëm të skenës politike kosovare. Edhe Behgjet Pacolli ka reaguar ndaj mbajtjes së këtyre zgjedhjeve, duke e quajtur si të pakuptimtë dhe të pa pranueshme një gjë të tillë. Ndryshe Pacolli përmes këtij reagimi ka kritikuar Qeverinë e Kosvoës, duke theksuar se si është e mundur që një shtet sovran dhe të pavarur të mbahen zgjedhje të një shteti tjetër në mënyrë të pa kontrolluar.
Ja reagimi i plotë i Pacollit:
Krejt i pakuptimtë organizimi i zgjedhjeve të Serbisë brenda territorit të Kosovës. Si mundemi një ditë të quajmë veten shtet sovran dhe i pavarur, dhe ditën e nesërme të mbahen zgjedhjet e një shteti tjetër, në menyrë të pa kontrolluar, brenda territorit tonë?
Sigurisht që kjo është e papranueshme, dhe dikush duhët të mbajë përgjegjësi për këtë.
Me sa di unë, Kryeministri Mustafa kishte deklaruar që nuk do të ndodhë.
Lexo edheIa vënë zjarrin natën stallës së lopëve, fermerit i digjen pesë lopë të lidhura
Çfarë ndodhi? Do të na thonë tani se “për shkak të presionit të ndërkombëtarëve” apo “do të jetë bilaterale”
Ta shohim tani si zoti Thaçi e Mustafa do të organizojnë zgjedhje në Kosovën lindore!
Pse nuk e bëtë të mundur që (nëse duhet të ndodhë) të ndodh në mënyrë të kontrolluar sipas një plani të elaboruar nga ana jonë me miqtë ndërkombëtarë, e jo të lihen territoret e Kosovës në duart e Beogradit që na fyen në çdo hap.
Ju jeni duke punuar sipas nevojave të momentit, nuk jeni të aftë të krijoni strategji. Në të njëjtën mënyrë e keni lënë edhe qytetarin e Kosovës, i cili improvizon mbijetesën e vet në çdo aspekt. Krejt kjo ndodhë se ju, qeveri, nuk keni vizion e as dashuri për Kosovën
