Organizata Qatar Charity ka hapur mundësinë për aplikim për fëmijët jetimë, me qëllim përfshirjen e tyre në skemën e pensionit mujor.
Në kuadër të kësaj thirrjeje, familjet që kanë fëmijë të lindur në periudhën 2010–2026 dhe të cilët kanë humbur babain, ftohen të aplikojnë.
Aplikimet duhet të bëhen fizikisht në zyrat e Qatar Charity në Prishtinë.
Dokumentet e nevojshme për aplikim janë:
- Certifikata origjinale e lindjes së fëmijës;
- Certifikata origjinale e vdekjes së babait;
- Deklarata origjinale e bashkësisë familjare;
- Vërtetim nga shkolla;
- Llogari bankare në NLB, në emër të nënës ose kujdestarit;
- Kopje e letërnjoftimit të nënës/kujdestarit, nga të dyja anët;
- Certifikatë origjinale nga Gjykata mbi dënimet penale në emër të nënës/kujdestarit;
- Një fotografi e fëmijës, me përmasa 3.5 × 4.5 centimetra, si për pasaportë.
Dokumentet pranohen nga e hëna deri të enjten, nga ora 09:00 deri në 16:00.
Thirrja vlen vetëm për fëmijët jetimë që nuk kanë aplikuar më parë.
Për më shumë informacione, familjet mund të kontaktojnë në numrat 045 725 869 dhe 045 725 870.
Zyrat e Qatar Charity ndodhen në Rrugën “Abdyl Frashëri”, nr. 24, afër Sallës “1 Tetori”, në Prishtinë.
