Ministri i Arsimit, Arsim Bajrami ka vizituar nxënësit e shkollës “Gjin Gazuli’ të Prishtinës që po e mbajnë testin pilotues për vlerësimin ndërkombëtar “PISA”.
Këtë test 15 vjeçarët po e mbajnë në Universitetin Amerikan në kryeyqytet dhe për shkak të kritereve dhe standardeve që ka ky test, ministri e as mediat nuk u lejuan që të shohin nga afër klasat ku po mbahej testi.
Bajrami tha se po shpreson që “PISA 2018” do të jetë me rezultate më të mira pasi ky test ndërkombëtar tashmë nga autoritetet kosovare, mësimdhënësit, por edhe nga fëmijët është marrë më seriozisht dhe po merren masa të mëdha sensibilizimi për rëndësinë e tij.
Reth 3000 nxënës kosovarë në gjithë vendin të moshës 15 vjeçare janë në vazhdën e testeve pilotuese për “PISA”, njofton Klan Kosova.
