Një gjakovar shembullor, gjen 3800 euro dhe i dorëzon në polici

Një qytetar nga Gjakova ka treguar një shembull të ndershmërisë, pasi ka dorëzuar në polici një zarf me mijëra euro që ishte gjetur në një institucion publik.

Sipas Policisë së Kosovës, më 6 gusht 2026, qytetari I. Fetahu ka paraqitur në Stacionin Policor në Gjakovë një zarf brenda të cilit ndodheshin 3 mijë e 800 euro. Zarfi ishte gjetur nga bashkëshortja e tij.

Pas procedurave të verifikimit, policia ka konstatuar se shuma e parave ishte raportuar si e humbur më 4 gusht 2026 nga pronari i tyre.