Deputeti Haxhi Shala është emëruar shef i Grupit Parlamentar të Nismës Socialdemokrate, raporton Gazeta Express.
Këtë e ka bërë të ditur vetë Shala përmes një shkrimi në profilin e tij zyrtar në Facebook.
Ai ka bërë të ditur se sot në detyrën e re ka marrë pjesë në mbledhjen e parë të kryesisë.
“Takimi i parë në Kryesinë e Kuvendit të Republikës së Kosovës si Kryetar i Grupit Parlamentar Nisma Socialdemokrate. Gjatë kësaj mbledhje u caktua seanca plenare e datës 03.02.2020 për votimin e përbërjes së Qeverisë së Republikës së Kosovës”, ka shkruar Shala./GazetaExpress/
- Advertisement -
