Ndeshja, Ferizaj – Drenica hap xhiron e javës së tetë në Superligën e Kosovës

Java e tetë e Superligës së Kosovës në futboll starton në pasditën e sotme.

Ferizaj dhe Drenica do ta hapin javën e tetë, ku pritet të zhvillohet një ndeshje tejet interesante.

Ky fillim i sezonit nuk ka qenë edhe aq i lehtë për të dyja skuadrat në fjalë, megjithatë si Ferizaj ashtu edhe Drenica janë në kërkim të tre pikëve.

Drenica do ta fillojë këtë ndeshje pa asnjë mungesë, ndërsa te Ferizaj spikasin mungesat e Armend Blakçorit dhe Granit Jasharit.

Ndeshja do të zhvillohet në Ferizaj me fillim nga ora 15:30.